Gen 27 | Ndebele | STEP | Kwasekusithi uIsaka esemdala lamehlo akhe esefiphele enga sa boni , wabiza uEsawu indodana yakhe enkulu, wathi kuye: Ndodana yami! Wasesithi kuye: Khangela ngi lapha .

aj50:3,4,10, 50:15

al11:31, 24:4, 29:4

am26:35, 28:8

Genesis 27

UJakobe uzizuzela isibusiso kuIsaka

1 Kwasekusithi uIsaka esemdala lamehlo akhe esefiphele engasaboni ^a, wabiza uEsawu indodana yakhe enkulu, wathi kuye: Ndodana yami! Wasesithi kuye: Khangela ngilapha. 2 Wasesithi: Khangela-ke, sengimdala, angilwazi usuku lokufa kwami. 3 Ngakho khathesi, ake uthathe izikhali zakho, isikhwama sakho semitshoko ledandili lakho, uphume uye egangeni ungizingelele inyama yenyamazana ^b, 4 ungilungisele ukudla okumnandi njengengikuthandayo, ukulethe kimi ukuthi ngidle, ukuze umphefumulo wami ukubusise ngingakafi ^c.

5 URebeka wasesizwa lapho uIsaka ekhuluma loEsawu indodana yakhe. UEsawu wasesiya egangeni ukuyazingela inyama yenyamazana ukuze ayilethe. 6 URebeka wasekhuluma kuJakobe indodana yakhe, esithi: Khangela, ngizwile uyihlo ekhuluma kuEsawu umnewenu, esithi: 7 Ngilethela inyama yenyamazana, ungilungisele ukudla okumnandi ukuthi ngidle, ngikubusise phambi kweNkosi ngingakafi. 8 Ngakho khathesi, ndodana yami, lalela ilizwi lami kulokhu engikulaya khona ^d. 9 Ake uye emhlanjini, ungithathele lapho amazinyane amabili amahle ezimbuzi, ngizawenzela uyihlo ukudla okumnandi njengalokho akuthandayo ^e; 10 uzakusa-ke kuyihlo ukuthi adle, ukuze akubusise engakafi ^f. 11 UJakobe wasesithi kuRebeka unina: Khangela, uEsawu umnewethu uyindoda elihwanqa ^g, kodwa ngiyindoda ebutshelezi. 12 Mhlawumbe ubaba uzangiphulula ^h, besengisiba emehlweni akhe njengomhleka usulu, njalo ngizilethele isiqalekiso kungabi-ke yisibusiso. 13 Unina wasesithi kuye: Isiqalekiso sakho kasibe phezu kwami ⁱ, ndodana yami; kuphela lalela ilizwi lami, uhambe ungithathele wona. 14 Wasehamba, wawathatha, wawaletha kunina; unina waselungisa ukudla okumnandi njengalokho uyise akuthandayo ^j. 15 URebeka wasethatha izigqoko ezinhle ^{▼▼ ezinhle: Heb eziloyisekayo.} zikaEsawu indodana yakhe enkulu, ayelazo endlini, wagqokisa uJakobe indodana yakhe encinyane ^l; 16 lezikhumba zamazinyane ezimbuzi wazifaka ezandleni zakhe lebutshelezini bentamo yakhe. 17 Wasenika ukudla okumnandi lesinkwa ayekulungisile esandleni sikaJakobe indodana yakhe.

18 Wasesiza kuyise wathi: Baba! Wasesithi: Khangela ngilapha; ungubani ndodana yami? 19 UJakobe wasesithi kuyise: NginguEsawu izibulo lakho; ngenze njengoba ungitshelile; ake uvuke uhlale, udle okwenyama yami yenyamazana, ukuze umphefumulo wakho ungibusise ^m. 20 UIsaka wasesithi endodaneni yakhe: Kungani uyithole masinyane kangaka, ndodana yami? Wasesithi: Ngoba iNkosi uNkulunkulu wakho yenze ukuthi ize phambi kwami ⁿ. 21 UIsaka wasesithi kuJakobe: Ake usondele ukuze ngikuphulule ^o, ndodana yami, ukuthi uyindodana yami uEsawu uqobo, kumbe hatshi. 22 UJakobe wasesondela kuIsaka uyise; wasemphulula wathi: Ilizwi liyilizwi likaJakobe, kodwa izandla ziyizandla zikaEsawu. 23 Kodwa kamazanga ngoba izandla zakhe zaziloboya ^p njengezandla zomnewabo uEsawu; ngakho wambusisa. 24 Wasesithi: Uyindodana yami uEsawu uqobo yini? Wasesithi: Nginguye. 25 Wasesithi: Sondeza kimi ukuze ngidle okwenyama yenyamazana yendodana yami, ukuze umphefumulo wami ukubusise ^q. Waseyisondeza kuye, wasesidla; waseletha kuye iwayini, wasenatha. 26 Uyise uIsaka wasesithi kuye: Ake usondele, ungange, ndodana yami. 27 Wasesondela, wamanga; wasenuka iphunga lezembatho zakhe, wambusisa ^r wathi: Khangela, iphunga lendodana yami linjengephunga lensimu ^s iNkosi eyibusisileyo. 28 Ngakho uNkulunkulu akunike okwamazolo amazulu lokokuvunda komhlaba ^t, lenala yamabele lewayini elitsha ^u. 29 Abantu kabakukhonze, lezizwe zikukhothamele. Bana yinkosi yabafowenu ^v, lamadodana kanyoko akukhothamele ^w. Okuqalekisayo kaqalekiswe, lokubusisayo kabusiswe ^x!

30 Kwasekusithi uIsaka eseqedile ukubusisa uJakobe, kwathi uJakobe esanda ukuphuma phambi kukaIsaka uyise, uEsawu umnewabo wafika evela ekuzingeleni kwakhe. 31 Laye futhi walungisa ukudla okumnandi, wakusa kuyise; wathi kuyise: Ubaba kavuke, adle okwenyama yenyamazana yendodana yakhe, ukuze umphefumulo wakho ungibusise. 32 UIsaka uyise wasesithi kuye: Ungubani? Wasesithi: Ngiyindodana yakho, izibulo lakho uEsawu. 33 UIsaka wasethuthumela ngokuthuthumela okukhulukazi, wathi: Pho, ngubani ^y ozingele inyama yenyamazana wayiletha kimi, ngasengisidla okwayo yonke ungakafiki? Ngimbusisile, yebo uzabusiswa. 34 Kwathi uEsawu esezwe amazwi kayise, wakhala ngokukhala okukhulu lokubuhlungu isibili ^z, wathi kuyise: Ngibusisa lami njalo, baba! 35 Wasesithi: Umfowenu ufike ngenkohliso, wathatha isibusiso sakho. 36 Wasesithi: Kasikuthi babiza ibizo lakhe ngokuthi nguJakobe ^{aa
,} ^{▼▼ uJakobe: okuyikuthi, umqhubekisi.}, ukuthi ungiqile lezizikhathi ezimbili? Ilungelo lobuzibulo bami ulithethe ^ac, khangela-ke, khathesi uthethe isibusiso sami. Wathi futhi: Kawungigcinelanga mina isibusiso? 37 UIsaka wasephendula wathi kuEsawu: Khangela, ngimbekile abe yinkosi phezu kwakho ^ad, labo bonke abafowabo ngimnikile babe zinceku; ngimsekele ngamabele lewayini elitsha ^ae; pho, ngingabe ngisakwenzelani, ndodana yami? 38 UEsawu wasesithi kuyise: Ulesibusiso esisodwa yini, baba? Ngibusisa lami njalo, baba. UEsawu waphakamisa ilizwi lakhe wakhala inyembezi ^af. 39 UIsaka uyise wasephendula wathi kuye: Khangela, umuzi wakho uzakuba khatshana lokuvunda komhlaba lakhatshana lamazolo amazulu avela phezulu. 40 Njalo uzaphila ngenkemba yakho, uzakhonza umfowenu ^ag. Kodwa kuzakuthi lapho usuphunyuka, uzakwephula ijogwe lakhe entanyeni yakho ^ah.

41 UEsawu wasemzonda uJakobe ngenxa yesibusiso uyise ayembusise ngaso ^ai. UEsawu wasesithi enhliziyweni yakhe: Insuku zokulilela ubaba sezisondele ^aj, khona ngizambulala umnawami uJakobe ^ak. 42 Kwathi uRebeka etshelwa amazwi kaEsawu indodana yakhe enkulu, wathuma wabiza uJakobe indodana yakhe encinyane, wathi kuye: Khangela, uEsawu umnewenu uyaziduduza ngawe ukuthi akubulale. 43 Ngakho khathesi, ndodana yami, lalela ilizwi lami; sukuma uzibalekele uye kuLabani umfowethu eHarani ^al, 44 njalo uhlale laye insuku ezinlutshwana, ize idede intukuthelo yomnewenu, 45 kuze kuthi ulaka lomnewenu ludede kuwe, futhi akhohlwe lokho okwenze kuye; besengithuma ngikulande khona; kungani ngizalahlekelwa layini lobabili ngosuku lunye?

46 URebeka wasesithi kuIsaka: Nginengekile yimpilo ngenxa yamadodakazi kaHethi ^am; uba uJakobe ethatha umfazi kumadodakazi kaHethi anjengala, emadodakazini alelilizwe ^an, ngiphilelani?